AVALIACIÓN E RESOLUCIÓN DAS PROBAS

Os centros de estudos galegos da UB e da UAB só son responsables da tramitación da inscrición para as probas e de habilitar un espazo para a realización das mesmas. Os centros de estudos galegos da UB e da UAB enviarán as probas escritas realizadas e a gravación da proba oral para que se proceda á súa avaliación á Comisión Central de Avaliación nomeada para tales efectos pola S.X.P.L. da Xunta de Galicia
Os resultados das probas publicaranse na web da Secretaría Xeral de Política Lingüística da Xunta de Galicia no prazo de dous meses desde a realización dos exames. Figurará o DNI da persoa interesada e a cualificación "apto" ou "non apto", segundo proceda.
Logo da publicación dos resultados poderase solicitar a revisión das probas á Comisión Central de Avaliación que adoptará a resolución definitiva. Este servizo pódese solicitar mediante un escrito dirixido á S.X.P.L. ou cun correo ao enderezo sxpl.formacion@xunta.es.

COMO SE PAGAN AS TAXAS PARA O DEREITO A EXAME?

Para ter dereito ao exame débese pagar 15,61€ por cada proba de nivel ao que se queira matricular. Podes pagar estas taxas de dous xeitos.

PRESENCIAL. É a forma obrigatoria de pagamento para as persoas que non teñan conta en Caixa Galicia e/ou Caixanova.

1. Na web da Oficina Tributaria da Consellería de Economía e Facenda encontrarás o "Modelo AI Autoliquidación de taxas". Cumpriméntao cos teus datos persoais.

Os códigos que se piden son os seguintes:

Consellería de: Educación e Ordenación Universitaria. Código 07
Delegación de: Servizos centrais. Código 13
Servizo de: Secretaría Xeral de Política Lingüística. Código 05
Taxa: denominación: "Inscrición nas probas Celga". Código: 30 44 01

Preme no botón "Obter formulario":

ATENCIÓN: Comproba previamente que o explorador que estás a usar permite a saída de ventás emerxentes.

Preme "Aceptar" se sae a seguinte xanela:

Sairá un documento en .pdf de tres follas cos teus datos e cos códigos especificados:
- A primeira folla é para ti, como comprobante de pagamento.

- A segunda folla é coa que quedará a entidade bancaria.

- A terceira follas é a que debes presentar á Administración, xunto coa ficha de inscrición e a copia do teu DNI.

2. Imprime o documento e acude a calquera destas entidades bancarias para facer o pagamento das taxas. Solicita un xustificante do pago, deberás presentalo coa solicitude:
Entidades bancarias colaboradoras: Banesto, Banco Etcheverría, Banco Gallego, BSCH, Banco Pastor, Banco Popular, Banco Sabadell, Banco de Galicia, BBVA, Caixa Catalunya, Caixa Nova, Caixa Galicia, Caja España, La Caixa, Caixa Rural Lugo, Caja Madrid, Caja General de Depósitos, Caja Rural de Zamora, Ibercaja, Caja Duero.


TELEMÁTICO. Forma de pago posible só para as persoas con conta en Caixa Galicia e/ou Caixanova.
1. Acudir primeiro á páxina da Oficina Tributaria.
2. Entrar a Servizos de Acceso Libre.
3. Premer "Taxas, Prezos, Multas e Sancións" (na columna da esquerda).
4. Premer "Pago Telemático de Taxas e Prezos".
5. Seguir as instrucións do proceso de pagamento e ao final de todo imprimir o xustificante de ter aboada xa a taxa, que será o que se achegue coa solicitude.