Tres dos inmigrantes foron localizados na caixa de ferramentas do camión, despois de que os outros tres baixaran do camión nunha gasolineira do núcleo de poboación de La Cala de Mijas. 

      O camioneiro manifestou na súa declaración que a situación en Casabranca é de tolemia, xa que hai moitos inmigrantes que pretenden vir a España e que se organizan grupos que esperan a menor oportunidade para subiren a un camión, polo que os transportistas están moi preocupados e deben permanecer toda a noite espertos para que ninguén se lles meta no camión. 

      O subdelegado do Goberno central en Málaga, Carlos Rubio, aseguroulles ós periodistas, que segundo o chófer, en Casabranca "hai milleiros de persoas á espera de embarcar en calquera medio de transporte, sexa un contedor ou un camión, ou o que sexa, o que crea un tremendo conflicto entre os transportistas cando fan unha parada ó introducírense na caixa das ferramentas, na carga ou na zona de eixes para pasa-lo Estreito cara a España''. 

      "O Goberno ten intención de facer unha campaña de información, hai un efecto chamada tremendo en miles de marroquís, subsaharianos e outros africanos, hai mala información e a través das mafias ou polo boca a boca provoca un movemento enorme de persoas que queren desprazarse a España cunha esperanza falsa, porque non é como o que lles que di a lei de obter de contado os papeis e de regulariza-la situación'', destacou o subdelegado do Goberno.