BOLSA DE INTERCAMBIO DE CONVERSA

• Que é a Bolsa de intercambio de conversa?

Trátase dun sistema de intercambio de conversa de catalán por diferentes linguas do mundo que funciona entre estudantes da UB.
 
Inscribirte na bolsa pódeche permitir participar nun intercambio de conversa regular cun compañeiro de estudos. Máis concretamente, pomos en contacto estudantes cataláns que queiran mellorar o seu nivel falado dunha lingua estranxeira con estudantes novos en Cataluña que desexen coñecer ou perfeccionar a lingua catalá a través dun contacto personalizado.

• Por que participar?

Por un lado, coa túa participación mellorarás a comprensión ou a fala do catalán que podes ter aprendido nos cursos de balde ofrecidos nos Serveis Lingüístics. Deste xeito, vas coñecer mellor a realidade sociolingüística de Cataluña e poderás seguir con maior facilidade as clases que se fan en catalán na UB. Por outro lado, contribúes a facer que os estudantes cataláns poidan practicar e aprender a lingua que ti ofreces.

• Como funciona?

A bolsa organízase da seguinte maneira:

1. Os estudantes que queiran participar na Bolsa cómpre que enchan o formulario que lles corresponde desde a web.

2. Conforme coas solicitudes que recibamos estableceremos grupos ou parellas de estudantes que, na medida que sexa posible, partillen os mesmos estudos e gustos ou intereses semellantes e que van intercambiar conversa de catalán con calquera outra lingua.

3. Organizamos o primeiro encontro entre os estudantes que participan no intercambio nun espazo da UB.

4. Consoante o primeiro encontro, os estudantes establecen un horario e un espazo máis ou menos fixos para o intercambio.

5. Os estudantes comezan a actividade en encontros regulares e poden participar nas actividades da Xincana de la Bolsa de intercambio lingüístico.

• Que se espera dos participantes?

1. Que se comprometan a empregar a lingua que ofrecen no intercambio.

2. Que nos comuniquen calquera incidencia significativa que poida xurdir durante o intercambio.

3. Que nos informen da finalización do intercambio e enchan un formulario de avaliación e/ou fagan unha breve valoración da actividade por escrito.

• Que linguas se irán usar?

En principio, espérase que cada participante se comprometa a empregar a lingua que ofrece, polo que foi seleccionado para o intercambio. Iso non quere dicir que se exclúa o emprego de linguas terceiras. O intercambio lingüístico, éo nun sentido amplo, xa que non se limita o uso de ningunha lingua sempre que se garanta a utilización preferente da lingua catalá, conforme á motivación central desta actividade.

• Consideracións xerais e requisitos de participación

1. Para participar no intercambio e no resto de actividades cómpre ser estudante da UB.

2. Encher a solicitude de intercambio non garante poder levar a termo o intercambio.

3. No caso de que haxa un desinterese manifesto por parte dalgún dos estudantes participantes, os Servizos Lingüísticos resérvanse o dereito de retirarlle a praza, e de procurar un novo compañeiro para o estudante que aínda estea interesado.

4. Todos os solicitantes, teñan praza ou non, poden participar nas diversas actividades lúdicas e culturais que se organizan ao longo do curso.

• Formulario de inscrición

• Relación de inscritos por idioma