S ihallen usembeddel n Tamunt n Urupa, isdawanen, xasaten inelmaden, zemmaren ad ssigmen ca n timegga nsen deg ijjt n tesdawit n Urupa berra n tmurt nsen. Umi igmiren n tmurt âlayen twasefden, mkul twala tmernuyen inelmaden ittrahen ghar timdinin nnedni, ttafen ijjt n tudert d inagrawen n tghuri nnedni.
Ssawalen ilsanen, rennun tilmitin, timaynutin. Mbla cekk semgharen tamusni n wedles, tpubritcan s manaya ibghuren d udmawen iâeffanen n tmetla di Urupa. Tasdawit n Barsiluna (UB) zi tmezwura n tesdawiyin tispunya deg usembeddel n inelmaden. Lebda tiwwura nnes rezment i isdawanen n tmura nnedni huma ad seâdun ussan isebhanen, la deg udem asdawan am deg udmawen nnedni.
Amalal-a usiwel di tesdawit yeggi-t Sserbis n iles akatalan. Manaya ggint huma ad asen-yessehwen asembeddel. Amalal-a irezzu ad yuc i inelmaden ijj n umriw gha asen-issehwen tamyawadt d prubitca n sserbis n tesdawit.
Mani ma tewwed tussna nnes n takatalant, ijj n izemmar s umalal-a ad yaf tiwinas iseggden. Tinni gha s-issehwnen asiwel di mkul halla n tamyawadt mani gha yili zegwami I d-yewwed ghar Katalunya.
Mbla cekk, tidullin timeqranin akid gha yemsaggar unelmad deg wawal nnes xemmi ad yawedghar tesdawit ad ilint tinni i qqnen akid uselmed. Ixes ad yili ijj n umesfham d asebhan jar uselmad d unelmad, nigh ad yili izemmer unelmad ad ighar idlisen n tmezagt nnes, mux ma ggan.
Tidullin-a tettarent tussna yullghen n wawal. Tussna-ya izemmar ijj n ad ghar-es yawed s webrid nnedni. Tasdawit n Barsiluna teselmad takatalant d tespanyut yerni ghar-es ca n ammasen mani ijj n izemmar ad ighar nnit.
A nili newwediswi nnegh mala amalal-a usiwel izemmar ad iâawen bab nnes di tesdawit, melmi yexs ad yemsawadak ixeddamen-nnes, ad yaf min irezzu: tazeddight, ca n telghut, takarda ar tagara. Mala ad yernu amalal-a di tussna n takatalant, hsen âad.
